TN assembly-in Jallikattu bill a pass

Tamil Nadu Assembly chuan an state chhunga Jallikattu sport hman chhunzawm a ni theih nan Thawhṭanni khan Prevention of Cruelty to Animals Act, 1960 (Tamil Nadu Amendment) chu a pass.

Supreme Court-in Tamil Nadu-a Pongal festival-a bawng chaiha infiamna an neih tel ṭhin, Jallikattu a khap avangin state pumah lungawi lohna lantir a ni a, khapna siam hi hlip turin an phut a ni.

Hun eng emaw chen nawrh huaihawt a nih hnuah, state sorkar chuan Jallikattu hman a nih theih nan ordinance a siam a, nawrh huaihawtte pawh an nawrh tihtawp turin a ngen bawk. Mahse mipui lungawi lote chuan Jallikattu hman chhunzawm zel a nih theih nan dan puitling siam an phut a, Thawhṭanni tlai khan assembly chuan “Prevention of Cruelty to Animals (Tamil Nadu Amendment), Act, 2017” chu ngaihtuahin, member-te’n lungrual takin an pass ta a ni.