Chief Election Commissioner thar atan Rajiv Kumar ruat

Election commissioner Rajiv Kumar chu nimin khan Chief Election Commissioner thar tur atan ruat a ni.

CEC ni lai Sushil Chandra chu May 14-ah a chawl tawh dawn a, May 15 aṭangin Kumar hian charge hi a la dawn tih Law Ministry thuchhuak chuan a tarlang.

Kum 62 mi, Rajiv Kumar hi IAS officer, 1984 batch Jharkhand cadre a ni a, kum 2020 August thla khan Election Commissioner atan ruat a ni. Sorkar laipui hnuaia ministry hrang hrang leh, Bihar leh Jharkhand state-ah Kumar hi lo awm tawhin, March 19, 2012 - March 12, 2015 chhung khan Department of Expenditure, Ministry of Finance-ah additional secretary a ni a, hemi hnu hian August 30, 2017 thlengin Ministry of Personnel Public Grievances & Pension, D/o Personnel & Training-ah Establishment Officer & Additional/Special Secretary-in a awm leh bawk.

Rajiv Kumar hian CEC hna hi kum 2025, February thla laihawl thleng a chelh thei dawn a, he hna a chelh chhung hian President leh Vice President election, 2024 Lok Sabha inthlanpui leh state assembly eng emaw zat neih a ni ang.