Kerala-ah naupang zingah Tomato flu a leng

Kerala-a Kollam district-ah hri chi khat, Tomato flu tih a leng a, naupang 82 in an kai. Mahse hri kai zinga a tam zawk chu enkawl dam an ni leh tawh. Hri kaite hi kum 5 hnuai lam vek an ni.

Hand-foot-mouth viral infection hi kar hnih liam ta aṭang khan Kollam district-a Anchal, Aryankanvu leh Neduvathur area-ah naupang zingah lengin; khawsik, luak, pumna leh taksa na bakah taksa thakte an nei. An taksa thak hi tomato pian hmang ang deuha a sen ṭhin avangin he hri hminga Tomato flu an vuah chhan a ni.

Hri leng vang hian Anganwadi-te pawh khar nghal vek an ni a, an ṭhenawm state Tamil Nadu nena an inrina bula Walayar checkpost-ah health leh police official-te dahin, Tamil Nadu aṭanga lut turte chu screening an lo nei zel a ni.