Kerala-ah bomb hmangin RSS office bei

Kerala-a Rashtriya Swayamsevak Sangh (RSS) party office chu Ningani khan bomb hmanga beih a ni.

Bomb hi Naruvamoodu leh Mattannur-a RSS office-ahte tihpuah a ni a, he thil thleng hi Bharatiya Janata Party (BJP) chuan an dem thu sawiin, duh lohna an lantir zui nghal. Bomb puah hnu darkar khat velah CPI(M) hruaituten Kannur-a vantlang inkhawm an buatsaihna kiangah bomb dang a puak leh a, mi pakhin hliam a tuar tih police-te chuan an sawi. Kerala-ah hian kum 2016 khan assembly election neih a ni a, Left Democratic Front (LDF) chuan sorkarna siamin, heta ṭang hian politics-a buaina a chhuak ṭan a ni. RSS leh CPM-te chu kawng hrang hrangin an innghirngho a, buaina tenau a chhuak fo a ni.