UN hotu hluiin AAP project a fak

United Nations hotu hlui, Kofi Anna chuan Delhi-a Aam Aadmi Party (AAP) sorkarin Mohalla Clinic kaltlanga a thalwna healthcare a kalpui chu a fak.

Chief Miniter Arvind Kerjiwal-a hnenah lehkha thawnin, Kofi Anna chuan AAP sorkarin scheme a kalpui chu a rilru a khawih hle tih a sawi a, an hmalakna pawh a hlawhtling hle tih an lo hriat thu a sawi. World Health Organization (WhO) hmalakna, Universal Health Coverage (UHC) thiltum nen inzulin Delhi sorkar chuan healh reform scheme hrang hrang a siam tih pawh an lo hriat thu a sawi a, WHO chuan mitinten sum lama buaina nei loin an mamawh hun taka health service an dawn theih chu a duh ber a ni, a ti.

Delhi sorkar hian khawpui chhungah Mohalla Clinis 1,000 siam a tum a, heng zinga 107 chu mi rethei vengah siam ni tawhin, hengah hian damdawi-a enkawlna a thlawn vekin an dawng a ni.