Maha sorkarin Chinese project 3 titawp

Maharashtra sorkar chuan Ladakh-a Gawan Valley-a China sipaiten India sipai 20 an thah avanga lungawi lohna lantirna atan, an state-a Chinese company-te nena project lian pathum an siam, cheng vaibelchhe 5,000 hu chu a tihtawp lailawk. 

Industry ministr Subhash Desai chuan sorkar laipui nena inbiak rawn hnuah he thutlukna hi an siam tih a sawi. Heng project thawhna tura inremna hi India-China ramria sipaite inkara buaina a chhuah hmaa an siam tih a sawi bawk. 

Ministry of External Affairs chuan state sorkar hnenah Chinese company-te chu inremna dang siampui tawh lo turin thurawn a pe tih minister chuan a sawi. 

Maharashtra sorkar-in project a tihtawp lai­lawk zingah hian Tale­goan-a automobile manufacturing unit siam­na tura Great Wall Motors  nena Rs vbc 3,770 hu MoU an ziah tawh leh,  Foton (China) leh PMI Electro Mobility-ten thawhdunna tur inremna, Rs 1,000 hu an lo ziah tawhte pawh a tel. State sorkar hian China bakah US, South Korea, Singapore leh ramchhunga company ṭhenkhatte chu thawhpui turin inremna a lo siampui tawh bawk a ni.