EC-in Kejriwal laka FIR thehlut turin hriattir

Election Commission chuan Aam Aadmi Party (AAP) hotu leh Delhi Chief Minister Arvind Kejriwal-a chu thamna lak chungchanga a thusawi dan avangin a lakah FIR thehlut turin a hriattir.

Kejriwal-a hian January 21 khan assembly inthlan neihna tur, Goa-a rally an neiha thu a sawiah mipuite chu political party-ten thamna pek an tum chuan lo dawng mai turin a fuih a, mahse vote an thlak hunah AAP chauh vote turin a fuih thung. January 8 rally-ah pawh Delhi CM hian voter-te chu party dangin Rs 5,000-a tham an tum chuan Rs 10,000 tal dil tur te, pawisa an dawn pawhin note thar chauh la tur tein a fuih.

EC chuan Kejriwal-a thusawi chu thamna sum dawng tura mipuite fuihna a ni tiin, hetiang zawnga thu a sawi chhunzawm zel a nih chuan AAP a pawmna pawh hnawlsak a ni ang, a ti.