Punjab election : Candidate 101-in thubuai nei

Punjab Assembly inthlan neih tura candidate 1,145 zinga 101 chuan thubuai an nei mek a, an thubuai neih zingah tualthah thubuai leh tualthah tuma puhna thubuai te pawh a tel niin, poll watchdog Association of Democrattic Reforms (ADR) chuan a tarlang.

Candidate 1,145 zinga 428 chu mi hausa, cheng vaibelchhe nei tling an ni. Candidate-te thil neih zat hi chawhrualin cheng vaibelchhe 3.49 a ni.

Thubuai nei mek mi 101 zinga 78-te chuan thubuai khirh tak an nei mek a, tualthah thubuai, tualthah tum thubuai leh hmeichhe chunga pawikhawihna thubuaite a tel a ni. An zingah hian mi langsar tak tak - Navjot Singh Sidhu, Captain Amarinder Singh leh Simarjeet Singh Bains-te pawh an tel a ni.

Candidate-te affivadit thehluh aṭanga a lan danin, an zinga 688 chu pawl 5-12 inkar zir­chhuak an ni a, ziak leh chhiar thiam lo 41 an awm bawk. Candidate zingah hian hmeichhia 81 (7%) chauh an awm phak.

Punjab assembly-ah hian seat 117 a awm a, February 11-ah vote thlak a ni ang.