Rahul Gandhi hoin Congress-in Kashmir-Kanyakumari kal an rel

Congress party chuan ram chhunga thil man sang zel leh hna nei lo pung zel chungchang auchhuahpuina turin, Kashmir aṭanga Kanyakumar thlengin kea kal, padayatra neih an rel.

Padayatra hi Congress hruaitu Rahul Gandhi-a'n a ho dawn a, August 15 aṭanga neih ṭan an rel. Mahse programme neih tur chungchanga thutlukna chu party Central Working Committee (CWC) in a la siam dawn a ni.

BJP sorkar hlawh­chhamna leh, an sorkar hnuaia ram mipuite harsatna tawh hrang hrangte auchhuahpuina turin Congress party hian state tinah kalphung in angin padayatra neih chu an rel bawk.

Congress party hian an party intuaithar leh dan tur ngaihtuahin Udaipur, Rajasthan-ah ni thum awh session, 'Chintan Shivir' an nei a ni. Party interim president Sonia Gandhi chuan Zirtpawni khan session hi hawngin, palaite chu an party thuam chakna tur te, in pumkhatna siamṭhatna turtein rilru inhawng taka awm tur te, rawtna an neihte pawh sawichhuak turin a ti a ni.