Pope Francis-a'n India mi Devasahayam mi thianghlimah a puang

Pope Francis chuan nimin khan kum zabi 18 hunlaia Kristian sakhaw zuitu, Devasahayam chu mi thianghlimah a puang.

Lazarus tia hriat lar, Devasahayam hi India layman zingah Vatican-in mi thianghlima a puan hmasa ber a ni.

Hindu upper caste chhungkuaa piang, a pian tirah Neerlakandan Pillai tih hi Travancore palace-ah a thawk ṭhin a, kum 1745 khan Kristianah inletin a hming pawh Devasahayam leh Lazarus tia sawi a ni. Chi inthliarna duh lotu niin, tihbo tumin a bei a, tihduhdah pawh tuarin a hnuah thah a ni zui bawk.

Kum 2012 khan Vatican chuan martar-ah a pawm a, kum 2013-a nu, thla sarih mi naupai laiin Devasahayam hnenah a ṭawngtai hnuah a chungah Pathian thil mak chu thlengin, a naupai lai thi tawha nia an puan chu a rawn che leh tih a sawi. Hemi hnu hian mi thianghlima puan tur zingah Vatican chuan a thlang a, nimin khan mi thianghlimah puan a ni ta a ni.