Rahul Gandhi-an budget thar a sawisel

Finance Minister Arun Jaitley-an union budget 2017-2018 a pharh tak chu Prime Minister Narendra Modi leh BJP party-ten an fak hle a, mahse eptu party-te chuan an sawisel thung.

Congress vice president, Rahul Gandhi chuan budget pharh hnua chanchinthar lakhawmte a kawmnaah, budget pharh tur chu beiseina sang tak nen an lo thlir laiin an beisei a pha lo hle tih a sawi. Gandhi chuan budget tharah chuan ṭhalai leh loneitute tana beiseina thar siamtu eng thil mah telh a ni lo tiin, rampumah ṭhalai hna thawh tur nei lo leh loneitu buaina nasa tak tawk an awm mek laiin, heng buaina chinfelna tur hi budget-ah hian a awm tel lo a ni, a ti. Hemi rual hian political party-te donation dawn theih zat tihhniam erawh a thlawp thu a sawi.