PM-in Nepal-ah Buddhist cultural centre lungphum a phum

Prime minister Narendra Modi chuan nimin khan Nepal tlawhin, Nepal prime minister Sher Bahadur Deuba nen Lumbini-ah Buddhist Culture and Heritage Centre sakna tur lungphum a phum.

Centre sakna tur hi International Buddhist Confederation (IBC) ram niin, Lumbini Monastic Zone-ah a awm a ni.

PM Modi hian Maya Devi Temple a tlawh bawk a, Nepal PM Deuba leh a nupui Arzu Rana Deuba ten an ṭawiawm a ni. Temple compound-a Lord Buddha pianna hmun an chhinchhiahna, Marker Stone-ah zahna hlanin, pooja buatsaihah an tel nghal bawk.

Ram pahnih prime minister-te hian temple bula Ashok Pillar bulah meichher chu chhiin, hemi hnu hian kum 2014-a Modi-a'n Lumini tana Bodhi thingṭiak, Bodh Gaya ami a pek an phun chu tui an pe leh bawk.

Prime Minister a nih hnuah Modi hian Nepal a tlawh ṭum ngana leh, Lumbini a tlawh ṭum khatna a ni. Lumini hi Nepal chhim lam, Terai zawla awm a ni a, Buddhist sakhaw hmun pawimawh zinga mi a ni. Modi hian Lumbini Development Trust-in Buddha Jayanat lawmna an buatsaihah thu a sawi bawk a ni.

Ram pahnih prime minister-te hian thawhdunna tura inremna, Memorandum of Understanding (MoU) paruk an ziak nghal bawk.