Kashmir-ah hmun tam zawk khar

Parliament building beitua puha khaihlum, Afzal Guru-a thih cham vawi li-na a nih avangin nimin khan buaina a chhuah palh venthawn thilah Kashmir Valley hmun tam zawk chu khar a ni a, Srinagar khawpuiah chuan dawr te kharin sorkar motor pawh tlantir a ni lo.

Firfiakten Parliament building an beihnaah hian mi 14 an thi a, an zingah hian firfiak pali an tel. Guru hi kum 2013, February 9 khan Tihar Jail-ah khaihlum a ni a, a ruang hi a chhungte hnenah pawh hlan a ni lo. Pawikhawihtua puha thiam loh chantir ni mah se, Kashmir mi tam tak chuan dik lo taka a chungthu relsakah an ngai a, khaihlum a nih avanga sorkar an demna thu pawh an la sawichhuak reng a ni.