India siam indo lawng 2 tlangzarh

Defence minister Rajnath Singh chuan nimin khan India siam, indo lawngpahnih 'Surat' leh 'Udaygiri' chu Mumbai-a Mazagon Docks-ah a tlangzarh. Hei hi ramchhunga siam, indo lawng pahnih a ruala tlangzarh an nih ṭum khatna a ni.

Surat hi P15B class guided missile destroyer a ni a, Udaygiri hi P17A class stealth frigate a ni. Indo lawng pahnihte hi Directorate of Naval Design (DND) design niin Mazgaon Dock Shipbuilders Ltd (MDL), Mumbai-in a sa thung.

Udaigiri hi Andhra Pradesh-a tlangdung hming chawia phuah a ni a, Surat hi Gujarat-a sumdawnna khawpui hming chawia phuh a ni bawk.

Rajnath Singh chuan MLD chu a lawmpui thu sawiin, hri leng karah theihtawp hna thawk a, Indian Navy-te mamawh tak an siam thei chu lawmawm a tih thu a sawi.