Jats hoin nawrh chhunzawm leh

Jats hnamten Haryana sorkar hnuaia sorkar hna leh zirna-in a, an hnam tana quota siamsak phutin nawrh an huaihawt chhunzawm leh a, nimin khan kawngpui te an dang a ni.

Sorkar nena an inbiakna a hlawhtlin loh avangin Pathian­ni khan Rohtak district-a Jassia khuaah Jants hnamte hian nawrh an huaihawt leh ṭan a, Rohtak leh Panipat district inkar kawngpui te chu darkar eng emaw zat an dang. 

All lndia Jat Aarakshan Sangharsh Samiti hruaitu Yashpal Malik-a chuan February 19 thleng sorkar chu hun an pe tih sawiin, hemi chhunga an thil phutte a hlawhtlin loh chuan kawngpui leh rel kawng dan mai ni loin nasa zawkin lungawi lohna an lantir dawn tih a sawi. Malik-a chuan sorkar nena inbiakna neih leh chu an remti a, mahse sorkar chet dan a zirin an thutlukna pawh hi an la thlak leh mai thei niin a sawi.