Rijiju-a thusawi RSS leh BJP-te’n fak

Union Minister Kiren Rijiju-a’n India rama Hindu awm zat an tlak­hniamnna chhan chu sakaw dang zuitute Hindu-a inlet tura an nawr ve ngaih loh vang nia a sawi chu BJP leh RSS chuan an fak hle a, mahse Congress party chuan Election Commission hnenah a thusawi avang hian action la ngei turin an phut.

BJP hruaitu Shaina NC chuan minister thusawi chu thu dik tak a ni tih a sawi a, Hindu-te chuan Hindu-a inlet tur­in midangte an nawr ve ngai lo a, hetihlai hian mi ṭhenkhat an sakhua zawm tura mi dangte thlemching an awm thu a sawi. Rijiju thusawi chu mimal beihna a ni lo tih a sawi bawk.

Mahse Congress chuan Election Commission hnenah Rijiju-a’n a twitter-a a thuziah chung­chang hi enfiah a, moral code of conducat a palzut avanga a chunga action la turin a phut. Rijiju hian Arunachal Pradesh in­thlan neih tur denchhena he thu hi sawi a ni thu an tarlang bawk a ni.