MP-ah medical zirlai 268 admission hnawlsak

Supreme Court chuan Madhya Pradesh Professional Examination Board (MPPEB), Vyapam-in medical entrance exam a buatsaih tihchingpen thubuai kalzelah, kum 2008-2012 inkar chhunga Madhya Pradesh-a medical college hrang hranga zirlai admission ti zinga mi 268-te admission chu a hnawlsak.

Vyapam scam chhuitu, CBI chuan entrance exam buatsaihah hian zirlai tam takin chuan dik lo taka thil tiin, exam-ah midangin an chhansak niin a lo sawi tawh a ni. Hetianga candidate-te exam lo chhansaktu hi mi 300 chuang an awm tih hriatchhuah a ni tawh niin a sawi.

Chief Justice JS Khehar kaihhruai judge pathum awmna bench chuan dik lo taka entrance exam paltlang, zirlai 634-te admission hmuh hnawlsak a nih thu a sawi a, mahse heng zinga zirlai 268 chauh chuan a takin admission hi an ti niin a sawi.