Delhi-a loneitute kawngzawh remti lo

Delhi police-te chuan sorkar laipui Farm Law siam thar duh lohna lantira Delhi-a loneitu pawl hrang hrangin November 26 leh 27-a kawngzawh an tum chu an remti lo. 

Farm law dodalna hi ramchhunga loneitute pawl 500 chuangin an thlawp a, Delhi khawpuia lungawi lohna lantira kawng zawh huaihawt tur hian hmun hrang hrang aṭangin kalkhawm an tum a ni. Mahse Delhi police-te khawpui chhungah hri nasa taka a darh chhoh avangin pungkhawm lian buatsaih a, kawngzawh tum hi an remti lo tih sawiin, kawng zawh tuma Delhi-a kalkhawmte  laka action lak a nih tur thu an sawi. 

All India Kisan Sangharsh Coordination Committee (AIKSCC), Rashtriya Kisan Mahasangh  leh Bharatiya Kisan Union pawl hrang hrangte chuan  'Samyukta Kisan Morcha'' dinin, sorkar laipui chu farm law a siam thar hi sut leh turin an nawr mek a ni.