Kristianten a rukin mi tam tak an inleh tir : Giriraj Singh

Union Miniter Giriraj Singh chuan, Kristian-te chuan a rukin mi tam tak an sakhaw zawm turin an inleh tir ṭhin niin a sawi.

Union minister dang, Kiren Rijiju-an India ramah Hindu an tlem zel nia a sawi chungchanga a ngaihdan an zawhnaah Singh chuan he thu hi a sawi chhuak a ni. Rijiju-an Hindu-te chuan an sakhua zawm turin midang an inleh tir ve ngai lo a, hei vang hian pung loin an kiam zawk zel nia a sawi chu a pawmpui thu a sawi.

Singh chuan, “Hindu an kiam zel tih hi thu dik tak a ni. Kum 1947-ah k han India ram mipui zinga 90% dawn chu Hindu a ni a, mahse survey hnuhnung berah chuan Hindu awm zat hi 72% chauh a ni tawh a ni”, a ti.