India-in record a siam Ṭum khatah satellite 104 kap chhuak

India space agency, Indian Space Research Organisation (ISRO) chuan nimin khan record siamin, Andhra Pradesh-a Sriharikota aṭangin ṭum khatah hlawhtling takin satellite 104 a kapchhuak.

Nimina satellite kahchhuah, 104 zinga pathum chauh hi India rama siam a ni a, a dangte hi ramdang siam vek niin a tam ber chu US siam a ni. Israel, Kazakhstan, United Arab Emirates, Switzerland leh Netherlands siamte a tel.

ISRO chuan satellite 104 hi Polar Satellite Launch Vehicle (PSLV) hmangin a kapchhuak a ni. PSLV hi ‘Workhorse of ISRO’ tia sawi ṭhin a ni a, a san zawng hi m 44 niin, a diameter hi 2.8 m a ni a, an hman hmasak ber chu kum 1003, Septmber 20 kha a ni. Hemi hnu hian PSLV hmang hian van thengrengah satellite 122 kahchhuah a ni tawh a ni. Kum 2016 June thla khan satellite 20 phurin kahchhuah a lo ni tawh bawk.