AAP sorkar hnuaiah eirukna ziaawm

Delhi-a Aadm Aadmi Party (AAP)-in kum hnih sorkar a siam chhungin eirukna in ziaawm lam a pan hle nia sawi a ni.

LocalCirles -in survey a buatsaihah, khawpui chhunga cheng mi 20,000 chuang chu AAP sorkar chungchangah zawhna hrang hrangh zawh a ni a, mi 45,000 in chhanna an thehlut a ni. Chhanna thehlut zinga 66% chu mipa an ni.

Survey aṭanga a lan danin, Delhi khawpuia cheng ta zawk chuan AAP sorkar hnathawh dan chu a ṭha thawkhat nia a ngaih thu an sawi a, eiruknain zia­awm lam a pan avangin sorkar school-te pawhin fund tam zawk an hmuh theih phah a, sorkar pawhin a ngaihsak tawh a ni, an ti. Tui leh electric bill pawh a tlahniam hle a, mi rethei zawkte tana healthcare siam a ni bawk.

Zawhna chhangtu zinga 61% chuan an hna thawhna atan official-te thamna an pek a ngai lo tih an sawi a, hetihlai 19% chuan thamna an la pe chhunzawm tih an sawi thung.

41% in AAP sorkar hnuaiah tui supply a ṭha chho hle tih an sawi a, mahse 44% erawh chuan a ngai reng niin an sawi thung. 35% in power supply a ṭha tawh thle tih an sawi a, mahse 48% chuan a hma kum hnih aiin danglamna a la awm hran lo tih an sawi.