University exam chungchang inkaihhruaina tichhuak

University Grants Com­mission (UGC) leh Ministry of Human Resource De­velopment (MHRD) ṭang­khawp chuan final year leh semester tawp-te tan university leh college exam neih hun atana inkaih­hruaina, Standard Ope­rating Procedure (SOP) chu Ningani khan a tichhuak.

Hri lengin ziaawm lam a pan chuan university leh college exam hi September 30-ah buatsaih tum a ni a, zirlaite chuan online emaw offline leh blended mode-in an exam thei dawn tih UGC secretary Prof Rajnish Jain chuan a sawi.

SOP tihchhuahah hian zirlai exam turte admit/identity card chu chhuah phalna atana pawmsak nghal an nih dawn tih te, campus luh dawnah thermal checking neih vek tur; zirtirtuten hmaituamna leh glove an vuah vek tur;  gate, exam room kawngkhar bul, zirtirtute room leh adangahte hand sanitizer leh handwash dah vek tur; exam zawh veleh ṭhuhna hmunte damdawi hmanga phuh fai vek tur; zirtirtu leh staff-ah an hriselna dinhmun hriat theihna tur self-declaration form an fill up vek tur a nih tihte tarlan a ni.