Dubey venhim dilna petition thehlut lawk

UP police-ten Dubey an kahhlum hma, Ningani zan khan Supreme Court-ah a himna tur ngaihtuah sak turin petition thehlut lawk a lo ni tawh. 

Petition hi lawyer Ghanshuam Upa­dhyay chuan a thehlut a, court hnenah Dubey hi fake encounter-a kahhlum a nih lohna tura a himna ngaihtuah sak turin a ngen. Hei bakah hian kar liam taa Dubey thurualpui mi panga te thah an ni dan leh, Kanpur-a Dubey-a in tihchhiat a nih dan chu Supreme Court enpuina hnuaiah Central Bureau of Investigation (CBI) chhuitir a phut bawk. 

July 2-a Kanpur-a police pariat that an ni chu thil pawi tak leh, ram pum nghawng thil a ni. He pawikhawihna thlengah hian Vikas Dubey leh a gang member-te chu an inrawlh nia puh a ni. He thil thleng hi a demawm tak zet a ni. Hemi rual hian he thil thlen hnua Dubey-a thurualpui pangate thah an nih dan chu mi a ṭhawng hle. 

Police-te chuan an chungthu hi chhui chiangin, evidence te lakhawmin thubuai an siamsak tur a ni a, mahse chutiang ti loa umzuia an kaphlum mai hi buaina chinfelna a ni lo, a ti. Heng mite thahnaa inhnamhnawih police-te chu tualthat thubuai siamsak turin a  phut bawk.