Kan ram min ṭhen hrangtu chu Nehru a ni : PM Modi

Prime minister Narendra Modi chuan nimin khan Lok Sabha inkhawma 'Motion of Thanks for President's Address' huna thu a sawinaah, India ram ṭhendarhtu chu Jawaharlal Nehru a nih thu a sawi.

He hunah hian PM Modi chuan Citizenship Amendment Act (CAA) chungchanga zawhna chu chhangin, "A hunlaia India mipuiin PM atana an duh chuan India map a siam a, India chu hmun hnihah a ṭhen darh ta a ni." a ti. Ṭhendarh a nih avangin Pakistan-a India mite chu minority tih an lo ni zui ta bawk tiin Modi chuan a sawi bawk. 

Kum 1950 khan Ja­waharlal Nehru leh Pakistan prime minister Liaquat Ali chuan Nehru-Liaquat Ali pact an ziak a, kha inremnaah khan Pakistan leh India rama minority awmte humhalhna leh an dikna chanvo chawinun sak a ni. Mahse hei hi a hlawhtling lo hle a, chuvang chuan CAA hi kan hman mai a ngai ta a ni, tiin Modi chuan house inkhawm a hrilh.