Sipai hotuin inbeihna hmuna awm lo turin mipuite ngen

Indian Army Chief General Bipin Rawat-a chuan Kashmir mipuite chu security force leh firfiakte inbeihna thlenna hmun aṭanga inthliarfihlim ṭhin turin a ngen.

Srinagar, Budgam leh Shopian district thuneitute chuan inbeihna thlenna hmun leh a hnaivaia kalkhawm lo turin mipuite an hriattir a, hetianga inbeihna a thleng a nih chuan a chhehvel km 3 bial chhungah mipuite awm khap a nih thu an sawi a, mahse hei hian ambulance, medical, paramedical staff leh sorkar hnathawkte a huam tel lo ang.

Sipai hotu chuan security force-te’n firfiakte laka beihpui an thlak laia sipaite lo tibuai zawnga che a, lung leh hmanraw dang hmanga lo tawng ṭhinte chu ram dodal zawnga che angah ngaih an ni dawn tih a sawi.