J&K tunnel a chim, chin hriat lohin mi 10 an awm

Jammu and Kashmir-a Ramban district-ah Ningani zan khan tunnel siam lai a chim a, hnathawktu zinga pathum chu chhanchhuah an ni a, mi dang 10 vel chu an chin hriat lohin an awm mek.

He tunnel hi Jammu-Srinagar highway-a Khooni Nallah Ramban bulah siam niin, a chim lai hian thawktu hi eng emaw zat an awm a ni.

Official chuan Ningani zan khan Ajit tunnel siam lai mek hi a chim tih sawiin, Sarla Company hnuaia hnathawkte chu a chim hnan tih a sawi. Chhanchhuah hna thawk nghalin mi pathumte chu lakchhuah an ni a, Ramban district hospital-ah hruai nghal a ni. Midangte chu tunnel chhungah hian an tang a, nimin tlai thleng khan chhanchhuah tumin theihtawp chhuah a ni.

Tunnel hi meter 3 vel chauha thui ni mah se leiin a hnawh nasa a, hei vang hian tunnel chhunga la tangte tan dam khawchhuah theihna a tlem hle nia sawi a ni.