Tihar jail-ah Shahabuddin sawn

Rashtriya Janata Dal (RJD) MP hlui leh party hruaitu pawimawh, Mohammad Shahabuddin chu nimin khan Bihar-a Siwan jail aṭangin New Delhi-a Tihar Central Jail-ah sawn a ni.

Supreme Court chuan Shahabuddin hi Bihar jail aṭangin Tihar jail-a sawn turin thupek a lo tichhuak tawh a ni.

Shahabuddin hi Sampoorna Kranti Express-in Delih panpui a ni a, sipai 20 chuangin an veng a ni. Rel-ah hian tang dangte ang bawkin sleeper class (S-2) ah chuantir a ni a, Tihar jail-ah pawh duhsak bik a ni dawn lo tih Supreme Court chuan a lo sawi tawh bawk.

‘Bahubali’ tia tualchhung miten an hriat lar, Shahabuddin hian thubuai 35 a nei mek a, a thubuai neih zingah hian tual­thah thubuai, mi sum chhuh luih sak leh inrukbo thubuaite pawh a tel a, a thubuai pasarih-ah hian thiam loh chantir a ni. Nikuma journalist Rajdeo Ranjan thahnaah khan a mawhphurtu bera puh a ni.