Prime Minister Modi-a'n Kolkata Port Trust hming a thlak

Prime minister Narendra Modi chuan nimin khan Kolkalta Port Trust hming chu Bharatiya Jana Sangh dintu, Dr Shyama Prasad Mookerjee hming chawiin, Dr Shyama Prasad Mukherjee Port tiin a thlak. 

Nimina Kolkata Port Trust din champha vawi 150 lawmna inkhawm neihah Prime minister  chuan a hming thlak a nih thu hi a puang a ni. Modi chuan port hming thlak a nih thu a sawinaah, Dr Mukherjee chu mi ropui, hmasawnna hna thawhna kawngah hruaitu leh One Nation, One Constitution tana beitu a ni, a ti. Dr Shyama Prasad Mookerjee leh Ambedkar-te sorkar aṭanga an ban hnua an rawtna hrang hranga kalpui chhunzawm a ni ta lo chu thil pawi tak a ni tih a sawi bawk.

Shyama Prasad Mukher­jee hian kum 1951 khan Bharatiya Jana Sangh hi a din a, a hnuah  Bharatiya Janata Party (BJP) tia thlak a ni. Prime minister  chuan West Bengal chief minister Mamata Baner­jee chu sorkar laipui scheme siam eng emaw zat an state-a a kalpui duh loh vangin a sawisel. State Chief Minister hian Ayushman Bharat Yojana leh Prime minister  Kisan Samman Nidhi-te kalpui a remtih hunah state mipuite chuan heng scheme 

aṭanga hamṭhatna awmte chu an dawng thei dawn a ni, a ti.