Saving accounts atanga sum lakchhuah theih zat tipung

Reserve Bank of India chuan nimin aṭang khan saving accounts aṭanga sum lakchhuah theih zat chu kar khatah Rs 50,000 chinah a bithliah.

Nikum November 8-a sorkar laipuiin pawisa note lian pahnih, Rs 500 leh Rs 1,000 note a tih thih hnu khan account aṭanga sum lak chhuah theih zat hi bithliah nghal a ni. Kar khatah Rs 24,000 chinah bihthliah a nih hnuin, nimin aṭang khan pawisa lakchhuah theih zat hi a tipung a, hei hian ATM aṭanga lakchhuah a huam tel ang. March 13 aṭang chuan sum lakchhuah theih zat bithliah hi a awm tawh lo ang.

January 30 khan RBI chuan current accounts, cash credit accounts leh overdraft account aṭanga sum lakchhuah theih zata khuahkhirhna a siam chu a lo titawp tawh bawk.