J&K-ah LeT firfiak 3 man

Jammu and Kashmir police-te chuan nimin khan Bramulla district-ah Lashkar-e-Taiba (LeT) firfiak pathum an man a, an kut aṭang hian silai leh a mu eng emaw zat an man tel bawk.

J&K police-te chuan firfiak an mante hi Barmulla-a Pattan hmuna Sarpanch thahnaa inhnamhnawihte niin an sawi.

Baramulla SSP Rayess Ahmad Bhat chuan, "April 15-a Goshbugh Sarpanch, Manzoor Ahmad Bangoo thah a nih chungchang chhuinaah, tualthahnaa inhnamhnawiha rinhlelh mi pathum - Noor Mohammad Yatoo, Mohammad Rafiq Parray leh Ashiq Hussain Parray-te chu man an ni a, firfiaka chetnaa an inrawlh tih sawina thu rintlak tak pawh dawn a ni," a ti.

Firfiak pathum an mante hian judicial custody-a awm mek, LeT overground worker Mohammad Afzal Lone pawh an be pawp tih an sawi.