Bihar-in caste-based census neih tur atan all party meeting nei dawn

Bihar chief minister Nitish Kumar chuan an state-a chi bing inchhiarna, caste-based census kalpui an tum chungchangah May 27 hian all party meeting a ko.

Chief Minister Office chuan all party meeting neih tur atan hian state chhunga political party hrang hrang hruaitute pawh a be tawh a ni.

CM Nitish Kumar hian kar liam ta khan caste-based census chungchangah all party meeting neih a nih tur thu hi a lo sawi tawh a ni. Meeting-ah hian census kalpui dan turte sawiho a ni ang.

Hetih lai hian sorkar laipui chuan Bihar sorkarin caste based census neih a dilna hi a hnawlsak thung. Hemi chungchang Bihar-a political party 10 hruaitute chuan prime minister Narendra Modi an lo sawipui tawh a ni.