Sorkarin Rs 1,000 note siam leh dawn

Sorkar laipuiin Rs 500 leh Rs 1,000 note a tih thih hnuah Rs 500 leh Rs 2,000 note thar a tichhuak tawh a, Rs 1,000 note thar pawh tichhuak leh turin a inbuatsaih mek nia sawi a ni.

Report ṭhenkhat chuan Reserve Bank of India (RBI)-in pawisa note thar hi January khan tlangzarh a tum tawh a, mahse Rs 500 note thar la indaih tawk loh avangin hemi lamah hian insawrbing lehin, Rs 1,000 note tlangzarh hun hi a sawn phah niin an sawi. Tihchhuah a nih hun tur hi sawichian ala ni lo.

Social media lamah chuan Rs 1,000 note thar tur nia sawi thlalak hi a darh leh nasa tawh hle a, mahse hei hi a nih dan chiah a ni dawn em tih erawh sawifiah a la ni lo. Thlalak thehdarhah chuan Rs 1,000 note thar hian Rs 2,000 note-a security feature 17 dah zinga 11 a nei dawn a ni.