CBI-in an hotu hlui AP Singh thubuai siamsak

Central Bureau of Investigation (CBI) chuan an hotu hlui, Amar Pratap Singh chu meat exporter Moin Qureshi duhsakna lantira puh a nih chungchangah thubuai a siamsak a, a chenna in pawh dap a ni tawh bawk.

CBI chuan Singh, Qureshi leh a chhawrtu Aditya Sharma, Trimax group neitu Pradeep Koneiry bakah hming puanzar loh ṭhenkhatte lakah thubuai ziahluh a ni tih an sawi. He thubuai kaihhnawiah hian CBI chuan New Delhi, Ghaziabad, Chennai leh Hyderabad-a hmun ṭhen­khatte an dap bawk a ni.

Qureshi hi sorkar hnathawkten duhsakna an hmuh theih nana mi tam tak hnen aṭanga sum dawngah puh a ni.

Enforcement Directorate chuan hemi kaih­hnawih­ah hian FIR a lo theh­lut tawh bawk.

1974 batch IPS officer, AP Singh hian kum 2010, November 30 aṭanga kum 2012, November 30 thleng khan CBI hi a lo ho tawh a ni. AP Singh chuan Qureshi chu a naupan lai aṭanga aṭhianṭha a ni tih a sawi a, mahse dik lo taka thil a tihnaah inrawlhna a nei ve lo niin a lo sawi tawh a ni.