Jammu-ah firfiak pakhat kaphlum

Border Security Force (BSF)-te chuan Thawhṭanni zan khan Jammu and Kashmir-a Rajouri district-ah ramri paltlanga India rama luh ruk tum firfiakte an lo dang a, an zinga pakhat an kaphlum.

BSF Jammu Frontier director general D Pareekh chuan Thawhṭanni zan, zanlai vel khan Keri sector-a Line of Control-a sipai duty-te chuan firfiak 3-4 che vel an hmu a, lo dan tumin silai an hmetpuak a, firfiakte hian an lo kap let ve nghal niin a sawi. Sipaite leh firfiakte hi darkar chanve vel an inkap a, firfiak pakhat an kaphlum a, midangte erawh chu an bibo hman a ni. Nimin zing khan an inkahna hmunah hian BSF chuan bag pakhat, a chhunga night vision monocular, AK magazine leh a mu, thei leh tui awmna an hmu a ni. An mi kahhlum ruangah hian AK-47 rifle leh magazine paruk an hmu tel bawk.