EC-in BJP MP Parvesh Verma hrem nawn

 

Election Commission of India (ECI) chuan BJP MP Parvesh Verma chu news channel-a Delhi chief minister leh Aam Aadmi Party (AAP) hotu Arvind Kejriwal chungchang a sawi dan vangin hremna pe lehin, Nilaini zan dar 6 aṭang khan darkar 24 chhung public meeting, public rally, roadshow leh interview neih a khap. 

Kar liam ta khan ECI chuan Verma hi darkar 96 chhung Delhi inthlan neih turah a campaign a lo  khapsak tawh bawk. 

Delhi Assembly inthlan hi February 8 hian neih a ni dawn a, February 11-ah result puan a ni ang. 

Parvesh Verma hian kar liamtaa election rally-a thu a sawiah, Kerjiwal chu firfiak tiin a sawi a ni. Hemi hnu hian Parliament kawtah Kejriwal hi bei zui lehin, 'Kejriwal chu firfiak tih sawina dang a ni' tih thuziak a keng lang leh bawk. Verma thusawi leh thiltih avang hian AAP chuan Delhi chief electoral officer hnenah complaint thehlutin, a laka FIR thehlut turin an phut. 

Verma hian January 28-a Vikas Puri-a election meeting-a Shaheen Bagh-a CAA duh lohna lantira nawrh huaihawt mekte chungchang mawi lo taka a sawi avangin darkar 96 chhung hrem alo ni tawh bawk a ni.