Israel nena defence deal siamna tur Prime Minister-in a pawmpui

Prime Minister Narendra Modi chuan hmelmate thlawhtheihna leh drone laka India airspace venhimna tura Israel ram aṭanga Medium Range Surface to Air Defence Missile (MR-SAM) system lei rawtna chu Nilaini khan a pawmpui.

Sorkar thuchhuak chuan Nilaini-a Prime Minister kaihhruai cabinet committee on security meeting chuan cheng vaibelchhe 17,000 senga MR-SAM air defence system lei rawtna hi a pawm a ni, a ti.

Air-defence system hi DRDO leh Israel Aircraft Industry-te siamdun tur a ni a, van lam km 50-70 china hmelmate aircraft, drone, surveillane aircraft leh AWACS thlawhtheihnate a kap thla thei dawn a, defence security lam pawh a pui hle dawn a ni.

Sorkarin rawtna siam a pawmpui tak avangin, Army chuan MR-SAM missile regiment panga a din dawn a, unit tinah hian firing unit 40 leh missile 200 chuang a awm ang. Army unit hman turin system hi contract ziahfel aṭanga thla 72 chhungin pek an iang a, kum 2023 ah chuan hman theih tura dah chhuah an ni tawh ang.