Kashmir-ah firfiakten sipai pathum kaphlum
Kashmir chhim lam, Shopian area-ah nimin khan firfiakten sipai patrol an lambun a, sipai pathum an kaphlum. Sipai leh firfiakte inbeihnaah hian civil mi pakhat a thi bawk.
44 Rashtriya Rifles sipai patrol chu nimin zing khan Mulu Chitragam bialah firfiakte hian an lo kap a, sipai parukin hliam tuarin an zinga pathum hi a hnuah an hliam tuar loin an thi tih police-te chuan an sawi. Sipai lam aṭang chuan thuchhuah engmah siam a la ni lo thung.
Sipaite hi Kungnoo-a beihpui an thlak zo an haw lam chu zing dar 2 velah beih an ni a, firfiakte nen an inkahnaah hian civil mi hmeichhe pakhatin hliam a tuar a, a ni pawh damdawi-in panpui a nih laiin a thi ve leh a ni.
Nimin zinga sipaiten beih an tawh hi ni 10 chhunga Kashmir-a sipaiten beih an tawh
ṭum thumna a ni. February 14 khan Kashmir hmarlam, Handwara-ah firfiakten sipaite an lo bei tawh a, sipai major a thi a, firfiak pathum kahhlum an ni bawk. Hemi ni vek hian Handwara aṭanga km 57 vela hla, Bandipora-a inkahna thlengah sipai pathum leh firfiak pakhat an thi bawk a ni.