Judicial system thlak danglam a ngai : President

President Pranab Mukherjee chuan Indian judicial system chu thlak danglam a ngai tawh hle niin a sawi.

Prime Minister Narendra Modi-a hnen aṭanga lehkhabu, ‘Judicial Reforms - Recent Global Trends’ copy a dawn hnuah President chuan he thu hi a sawi chhuak a, infrastructure ṭha tak tel lo chuan insiamṭhat chu thil har tak a nih thu a sawi tel bawk. He lehkhabu hi India International Law Foundation tihchhuah a ni.

Mukherjee chuan, “Kum tam tak liamtaa din kan judicial system hi siamṭhat leh thlak dang­lam a ngai tawh hle. Intuaithar hi a ngai reng a, tawpsan mai tur a ni lo. System tin hian hmasawn zel an ngai a ni” a ti. Mi tin ten judicial system siamṭhat chung­chang chu an ngaihtuah a, an thawh a hun tawh tih a sawi.