Army exam zawhna putru vangin mi 18 man

Thane City Police-te chuan Army recruitment exam zawhna putru kaihhnawihah Goa leh Nagpur-ah mi 18 an man tawh.

Army recruitment exam hi nimin zing 9:00 khan neih tur a ni a, mahse exam ṭan hma hian Maharashtra state hrang hrangah exam zawhnate hi a putru tih hriatchhuah a ni. He thil thleng vang hian Maharashtra-a Nagpur, Thane, Nasik leh Goa-a hmun hrang hrangte dap a ni.

Police-te chuan information an dawn aṭangin, candidate zinga ṭhenkhat chuan Inrinni zan khan hotel leh lodge hrang hrangah exam zawhnate hi an lo copy niin an sawi a, heng hmunte hi an dap hnuah zirlai exam tum, zawhna putru chungchanga inhnamhnawiha puh mi 350 vel an man a ni.

Zawhna putru chungchang hi Army headquarters-ah pawh hriattir a ni tawh a, police-ah thubuai ziaklutin he thila mawhphurtute chhui chian mek an ni. Police-te chuan he thil thlengah hian sipai lal tak pakhat pawh a inrawlh an rin thu an sawi.