Assembly election : Zu leh pawisa tam tham tak man tawh

Assembly inthlan neihna, Uttar Pradesh, Uttarakhand, Goa leh Punjab-ahte vote zawnna atana hman tum - zu, pawisa leh ruihhlo tam tham tak man a ni tawh.

Uttar Pradesh-ah chuan pawisa sem tum nia hriat cheng vaibelchhe 115.70 man a ni tawh a, zu cheng nuai 20.29 hu bakah, ruihhlo dang kg 2,725, cheng vaibelchhe 7.91 hu man a ni tawh bawk. Kum 2012 inthlan lai khan UP-ah hian pawisa fai cheng vaibelchhe 36.29 bakah, zu litre 3,073 chuang man a lo ni tawh a ni.

Uttarakhand-ah chuan pawisa fai cheng vaibelchhe 3.40 man a ni tawh a, zu litre nuai 1.01 Rs vbch 3.10 hu leh ruihhlo kg 81, Rs nuai 37.88 an man tawh bawk. Uttarkahand hi an inthlang fel tawh a, mahse Karnprayag biala candidate pakhat a thih avangin he bial atana inthlan neih hun tur chu sawn hlat a ni. Kum 2012 inthlanah khan Uttarakhand-ah hian cheng vaibelchhe 1.30 leh, zu litire 15,151 man a ni.

Punjab-ah pawh pawisa fai cheng vaibelchhe 58.02 man a ni tawh a, zu litre nuai 12.43 an man tawh bawk a, hei hi cheng vaibelchhe 13.36 man a ni. Ruihhlo kg 2,598, cheng vaibelchhe 18.26 hu an man tawh bawk.

Goa-ah vote zawnna atana hman tum, pawisa fai cheng vaibelchhe 2.24 man a ni tawh a, zu litre 76,000 man a ni bawk. Goa-a hian February 4 khan vote thlak a ni.