DMK-in sorkar office-a Jaya-i thlalak dah bo phût

Tamil Nadu-a eptu pawl, DMK chuan sorkar office hrang hranga AIAMK hruaitu leh Chief Minister hlui thi ta, J Jayalalithaa-i thlalak tar chu dah bo tawh turin an phut.

DMK Working President leh Tamil Nadu Assembly-a eptu hruaitu, MK Stalin chuan Jaya-i chu sum lakluh phu loa hausaa puhna thubuaiah thiam loh chantir tawh a ni, a ti. Hei bakah hian Jaya-i piancham 69-na lawmna atan mipuite chhiah pekkhawm, sorkar sum tam tham tak hman a ni a, hei vang hian Jaya-i hming chawia sorkar scheme siamte chu a duh lo tih a sawi bawk. Jaya-i hming chuanna scheme-te chu thlak tura a phut thu a sawi.

Stalin-a chuan nikum December thlaa thi, Jaya-i thlalak hi Secretariat, minister-te room leh, local body office-ahte tar a la nih thu a sawi a, heng thlalakte hi la thla thuai tura a phut tu a sawi. A ṭul a nih chuan court pawh an thlen hial tur thu a sawi