US-ah Foreign Secretary Jaishankar a zin dawn
Foreign Secretary S Jaishankar chu vawiin hian US-ah a zin dawn a, a cham chhung hian House of Representatives Speaker Paul Ryan leh Minority Leader Nancy Pelosi-te a hmu ang.
Jaishankhar hian US-a a cham chhung hian Congressional Commmittee chairperson-te a hmu dawn bawk a, President Donald Trump-a kaihruai senior member-te chu ram pahnihte inlaichinna chungchangte a sawipui bawk ang. US-ah hian ni li a cham dawn a ni.
US Congress member leh sorkar mi pawimawhte chu H1B visa chungchangah an inbe mek tih sawiin, America economy tana Indian IT company-te’n thawhhlawh dan hrang hrangte pawh foreign secretary hian meeting-ah a sawichhuah rin a ni bawk.
H1B visa hi non-immigrant visa a ni a, US company-in specialised field-a ram dang mi, thiam bik neite a chhawr theihna a ni. Hei hi technology company-te tan chuan ramdang mi hnathawka an chhawrna theihna turin a pawimawh hle a ni.
US President thar Donald Trump chuan thla hmasa khan work visa progamme chu siamṭhat a nih tur thu a lo sawi tawh a, hei hian hian US-ah Indian tech firm leh hnathawka chhawrte a nghawng hle rin a ni. US hian kumtinin H1B visa hi 65,000 vel a pechhuak ṭhin a, heng zingah hian India mi tam tham tak an tel.