Jats-te’n tractor leh tawlailir hmangin kawng zawh tum

Haryana sorkar hnuaia sorkar hna leh zirna-ina an hnam puala chanvo dahsak phuta nawrh huaihawt mek, Jat hnamte chuan March 2 khian an thil phut nawrna atan New Delhi-ah kawng zawh an tum. Delhi-a kawng zawhna atan hian tractor leh bawng tawlailirte hman an tum a ni.

Jat hruaitu Yahspal Malik chuan Delh-a Parliament pawh hual an tum thu sawiin, hemi atan hian tractor leh bawng tawlailir chauh an hmang dawn a, sorkar laipui kar nan hian midangte la tih ngai lo ang an hmang dawn tih a sawi.

Nawrh huaihawtnaa tel tur hian Haryana state chhunga hmun hrang hrang aṭangin tractor 1,000 chuang an in register tawh a, hengte hi Delhi lamah kalpui an ni dawn a ni. Malik-a chuan March 2-a Delhi-a nawrh huaihawt turah hian kal an tam vak dawn lo tih a sawi a, he hunah hian Parliament huala lungawi lohna an lantir hun tur an rel dawn tih a sawi.