SIMI firfiak 11 damchhung tang turin hrem

Indore District Court chuan Student Islamic Movement of India (SIMI) firfiak 11 chu damchhung tang turin nimin khan an chungthu a rel sak.

Firfiak 11 hremte hi phalna nei loa ralthuam leh bomb kawl bakah, ram dodal zawnga che-ah puhin thiam loh chantir an ni. Heng mi 11-te hi kum 2008 March thla khan man an ni a, Indore special CBI court-ah an chungthu ngaihtuah a ni.

Damchhung tang tura hrem zing ami, SIMI hruaitu Safdar Nagori hi kum 2008-a khawpui hrang hranga bomb tipuahnaah khan a ruahmantu berah puh a ni a, mahse bomb tipuaktu tak chu Indian Mujahideen nia sawi a ni. Kum 2008, July 26-a Ahmedabad-a bomb tihpuah vanga thi hi mi 57 an ṭtling. Nagori hi thiam loh chantir a nih hma hian hun rei tak chhung Sabarmati Central Jail, Ahmedabad-ah tantir a ni.