SC-in pawngsualtute khai hlum dan tur a ngaihtuah dawn

Ministry of Home Affairs (MHA)-in a ngen angin Supreme Court (SC) chuan vawiin hian Delhi High Court-ina Nilainia MHA ngenna a hnawl sak tak, Nirbhaya pawngsualtu, mi pali khaihlum tura tih te chu a ruala khaihlum tur an nih dawn leh dawn loh a ngaihtuah ang. 

Sorkar laipui leh Delhi sorkarin pawngsualtu palite a ruala khaihlum lo tura Delhi High Court a ngenna chu Nilaini khan court chuan a hnawl sak a ni. Hemi hnu hian sorkar laipui chu SC-ah a zualko zui ta a ni. Delhi Court chuan ni 7 chhunga thi tura tihte zinga mi petition thehlut leh tur an awm loh chuan he case chungchang hi tihfel a nih tawh tur thu leh, mi palite hi a hranga khaihlum theih an nih loh thu Nilaini vek khan thuchhuah a siam nghal.

Nilaini khan thi tura tih zinga mi, Akshay-a mercy petition chu President Ram Nath Kovind-a'n a hnawl sak. An zinga pakhat Pawan chuan mercy petition hi a la thehlut ve lo a ni.Sorkar laipui chuan Supreme Court-a Special Leave Petition (SLP) thlen a nih hnuah chauh a ruala khaihlum theih an nih thu a tarlang thung.