Israel Defence Minister a rawn zin dawn

Israel defence minister Benny Gantz chu kar leh hian India ramah a rawn zin dawn a, a cham chhungin ram pahnihte inpalai tawnna kum 30 tlin pualin Letter of Intend (LOI) leh defence lama thawhdunna turte a ziak ang.

Kum 2017, July thlaa prime minister Narendra Modi-a'n Israel a tlawh khan, India leh Israel hian an thawhdunna leh inzawmna hi nghet leh zau zawka kalpui an lo remti tawh a ni. Hemi hnu hian ram hnihte hian thawhdunna tihzauh dan hrang hrangte an buaipui zui bawk.

Benny Gantz hi ni thum a cham dawn niin a office chuan a sawi a, a hun hman dan tur kimchang pawh tihchhuah thuai a ni ang, a ti. Gantz hi March thla tawp lama rawn zin tum a ni a, mahse an rama pawikhawihna thleng fo avangin a zin hun tur hi a sawn hlat phah a ni.