US-in India thlawh- theihna thawlh luh phal lo

US chuan Thawhṭanni khan an rama India mi tangkhangte hruai hawna tura India-in thlawhtheihna a tirh chungchangah dik lo taka thiltiah puhin an thlawh chhunzawm a phal lo.

  

Covid-19 hri leng vangin India chuan US-a India mi leh sate hruai haw hna chu Air India thlawhtheihna kaltlangin a thawk mek a, he a hruai hawnna kawngah hian India mi nilote tan ticket a hralh tel avangin ram pahnihten aviation treaty an ziah thuthlung bawhchhiaah US Department of Transport (DOT) chuan Air India Ltd chu a puh.

DOT chuan Air India thlawh an phalsak lai hian US airline-te chu hri len chhungin India-a an thlawh khapsak a ni thung tih a tarlang bawk. Tangkhangte chauh hruai haw an nih theih nan midangte tana ticket hralh a rem lo tiin transport department chuan thuchhuah siamin, hei hi ni 30 chhunga hman tur a nih thu  a tarlang bawk. 

Indian airline-te chuan thlawhtheihna an tirh  hmain DOT hnenah dilna an thehlut phawt ang a, anni hi an lo enfiah hmasa phawt dawn a ni, a ti. India-in US thlawhtheihna thlawh khapna a hlih hnuah Indian airline-te tana khuahkhirhna a siam chu ngaihtuah ṭhat a ni ang, tiin a tarlang. 

Hemi chungchang hi Air India leh Indian Embassy chuan engmah a la chhang let lo a ni.