UP inthlan thawh nga-naah vote tla chhia

Uttar Pradesh assembly inthlan thawh nga-na chu Thawhṭanni khan assembly bial 51-ah neih a ni a,vote a tla ṭha lo hle.

Inthlan thawh nga-naa vote tla hi 57.36% a ni a, a hmaa inthlan thawh li lo neih tawhte nen vote a tlak chhiat ber ṭum a ni. District 11-a assembly consti­tuency 51-a inthlan neihnaah hian kum 2012 inthlan khan rorellai Samajwadi Party chuan seat 36 a la pha a ni. Kumin inthlanah SP hi Congress party nen an thawkdun a ni. Thawhṭanni-a inthlan hi boruak ṭha tak hnuaiah neih a ni a, EVM chhia leh inhnial buaina thleng te awm mah se, buaina lian tham chhuak a awm lo. Inthlan thawh rukna leh thawh sarihna hi March 4 leh 8 hian neih leh a ni ang.