Bihar minister-in PM thlalak slipper-a vaw turin hrilh

Bihar miniter for excise and prohibition Abdul Jalil Mastan chuan Prime Minister Narendra Modi chu ‘suamhmang’ tia sawiin, mipuite hnenah PM thlalakte chu an slipper hmanga vaw turin a chah.

Minister thusawina video hi internet lamah an thehdarh nasa hle a, he thu hi February 22-a a bial, Purnia district-a Amour biala Jan Vedna rally neih ṭuma a sawi a ni. Jan Vedna rally-ah hian Bihar minister chuan PM Modi chu pawisa note sang pahnih tih thih a nih chungchangah na takin a bei a, a hmalakna chu a hlawhchham niin a sawi. A thusawi lai hi video-ah lo lak niin, Thawhlehni aṭang khan thehdarh a ni.

State assembly inkhawmah minister thusawi chungchang hi BJP chuan sawichhuakin, cabinet minister a nihna aṭanga bang turin an phut. Minister chu PM chungchang a sawi danah thupha chawi turin an phut bawk a, a laka thubuai thehluh an tum thu an sawi bawk.