Ramjas College-a buaina chungchangah Delhi Police-in report pe dawn
Delhi Police-te chuan Lieutenant Governor Anil Baijal-a hnenah tun hnaia Delhi University-a Ramjas College campus-a tharum thawhna thleng chungchangah report an thehlut dawn.
LG hnena report thehluhah hian, kar kalta Thawhlehni leh Nilaini-a college campus-a buaina chhuah dan te, buaina tihreh a nih theih nana police-te inrawlh leh an hmalak dante an tarlang ang. DU-a thil thleng hi special commissioner, law and order (North) SBK Singh leh senior officer-te chuan ngun takina an enfiah niin an sawi.
Report-ah hian buaina chhuak vanga hliam tuar, zirlai leh zirtirtu 30-te pawh tarlang a ni dawn a, complaint 13 leh FIR pakhat an ziahluh thupawh an tarlang ang. Campus-a buaina chhuah ṭuma zirlai leh media mite kut thlak chungchangah police pathum suspend an ni tawh tih pawh an hrilh dawn a ni.